Aad-Prinse
De Aad-Prinse zin verenigd in ’n sosjeteit en dees kènt ‘ne kónsjtante gruij van ein lid per jaor (behalve tiedes de watersnoodramp en de coronajaore). Ziej kómme biejein mit ’t Prinsematinee, de Prinseresepsie en ouch boete ’t sezoen mit Halfvaste en de Aad-Prinse Daag. Daobiej waert ouch ’t liefleed “Veur Hopsjlokkers Prinse veur heure tesame” gezónge (de teks vinjt g’r gans óngeraan) en is ’t altied ‘ne gezellige óngerein.
Veur Hopsjlokkers Prinse veur heure tesame,
want carnaval viere zit ós in ’t blood.
Biej sjpas en plezeer ós beerke te drinke,
is veur ós zo neudig wie dageliks brood.
Al zin veur ouch eks en gewaes in ’t verleje
en is ózze amstied al heel lang geleje.
Es de dólle daag ós weer biejein bringe,
klink vóller en bliejer ós Prinselik refrein:
LAOT GAON DAE WAGE, TRALALALALA!
LAOT GAON DAE WAGE, TRALALALALA!
LAOT ’M MER GAON, LAOT ’M MER GAON,
LAOT NOE DAE WAGE GAON! (refrein 2x)
Veur Hopsjlokkers winse, det is det in Zjwame
de carnaval jaore maag blieve besjtaon.
Doot allemaol mit en vergaet èns eur zorge,
want heringe-goonsdig is alles gedaon.
Al zin veur ouch eks en gewaes in ’t verleje
en is ózze amstied al heel lang geleje.
Es de dólle daag ós weer biejein bringe,
klink vóller en bliejer ós Prinselik refrein:
LAOT GAON DAE WAGE, TRALALALALA!
LAOT GAON DAE WAGE, TRALALALALA!
LAOT ’M MER GAON, LAOT ’M MER GAON,
LAOT NOE DAE WAGE GAON! (refrein 2x)