Altied in bewaeging
Aan de veuraovindj van ’t Vastelaovessezoen 2019/2020 van V.V. de Hopsjlokkers Zjwame, waert oeteraard ouch ein nuuj vastelaovesmótto verbónje. Veur 2019/2020 is tiedes de algemeine ledevergadering van V.V. de Hopsjlokkers gekaoze veur ’t mótto: ”Altied in Bewaeging”, ein idee van Wim Evers. Es geur altied in bewaeging zit, kump dit neet allein eure gezóndjheid ten goede, mer dreug dit ouch biej aan de vastelaovessfeer in Zjwame. Wie meer vastelaovesvierders in bewaeging zin, des te sjoner waert ’t nuje vastelaovessezoen. Eder jaor bliek weer det d’r dankbaar gebroek waert gemaak van ’t mótto van de Hopsjlokkers en hiejaan, in welke vorm den ouch, op ein zeer kreatieve meneer invölling waert gegaeve. Ónger ’t mótto van ’t vastelaovessezoen 2019/2020: ”Altied in Bewaeging”, haope veur same mit uch weer eine sjone vastelaovestied taengemoot te gaon en winse biej deze alle kreatievelinge väöl sukses.
Op dees sait vinjt geur verder alle informasie euver waat d'r te doon is en 't lèste nuutjs, mer ouch euver anger zake. Zo haet ózze Prins ouch ein plaetske oppe sait ouch vinjt geur hiej oetgebreide informasie euver ós vereniging. Kiek ouch 'ns biej de aktiviteite veur meer informasie
euver De Sjo, de Liedjesaovindj, de optoch of euver 't Kuulköpke. Boete dees sjoon dinger vèlt d'r hiej ouch nag get te zeen en te loestere. Ós hoesfotograve make euveral wo veur kómme
sjitterende foto's. Dao-naeve höbbe veur inmiddels ein aardige verzameling van liedjes van versjillende Zjwamer artieste.
Zo zeet geur mer: ouch op 't wereldwieje web is d'r genóg te belaeve waat de Zjwamer vastelaovindj aangeit!
Lèste nuutjs
Oetsjlaag Liedjesaovindj 2020
18 november 2019
Op zaoterdig 16 november höbbe veur weer eine gezellige liedjesaovindj gehad. 7 deilnummers sjtónge dae aovindj oppe buun. De Zjwamer Liedjesaovindj is gewónne door de Fob Bagge® Bend mit häör nummer "Neet zónger vastelaovindj"! De Vois Kids is gewónne door De Zjwamer Föbkes mit häör toet in de puntjes verzorgde optraeje! De Vois van Zjwame is gewónne door No Cleem! De tweede plaats oppe liedjesaovindj is gehaold door De Zjwamer Aad-Prinse. Note Allergie ging d’r mit de derde plaats van door. Veur bedanke ederein dae haet biejgedrage aan deze sjone aovindj!
Mulder Gerard I
12 november 2019
Op maondjig de ellefde van de ellefde is róndj de klok van 11 euver 8 de nuje Mulder oetgerope. Nao ’t aaftraeje van inmiddels Ex-Mulder Sjoerd I, kwoom de maelzak oet ’t Muldershoes nao boete. In dae maelzak zoot nemes minder den de nuje Mulder: Mulder Gerard (Olde) I! Gerard is gein ónbekènd gezich binne de Zjwamer vastelaovindj. Haer lup al get jaore mit biej De Boerebroelof. Same mit ziene knech Frank zal hae de kómmende tied toet aan asgoonsdig de meule drejjend mótte haje! Van herte perfisiat! Nao 11 geweldige sjeut mit ’t knón en ’t äöpene van ’t Muldershoes (Keffee De Geitesjtal) kós ’t fees losbarste! De Zjwamer vastelaovindj is weer in bewaeging gezatte!
Äöpening sezoen 2019/2020
01 november 2019
Ónger ’t vastelaovesmótto 2019/2020: ”Altied in Bewaeging” van Wim Evers waert oppe Mert in Zjwame, maondjig 11 november aansjtaonde óm 20.11 oer, ’t nuje vastelaovessezoen geäöpend. Mit aan kop ónger angere Z.D.H. Prins Peter III, V.V. de Hopsjlokkers, de Mulders en muzikaal omlies door joekskapel ”Aan dae Reem”, vinjt d’r vanaaf 20.11 oer ein kompleet programma plaats met ónger angere: de äöpening van ’t Muldershoes, ’t bekènd make van de nuje Mulder 2019, ’t in bewaeging zitte van de Zjwamer Meule, gevólg door 11 knónsjeut. Ederein dae de Zjwamer Vastelaovindj ein werm hert toedreug, is hiejbiej van herte oetgeneudj.
Agenda
Veur kómme uch gaer taenge biej ein van de vólgende aktiviteite. Kiek hiej veur de kómplete agenda.
C.V. de Kwekkerte
Der Verrückte Samstag
23 november 2019
Harmoniezaal Soranus
20.00 oer
Boerebroelof Zjwaame
Oetrope Boerebroedspaar
24 november 2019
Zaal De Mert
15.30 oer
C.V. de Kwekkerte
Prinsebal
11 jannewarie 2020
Harmoniezaal Soranus
20.30 oer
Prinsepoele
Dit is de top 5 van 't prinsepoele. De kómplete tössesjtandj is hiej te bekieke.
D'r is in totaal 168 gesjtump!!
Robert van Keeken
11.31%
Mario Vogelaar7.74%
Maik Peters (Sjakkie)7.74%
Luuk Aerts4.17%
Lou Lemmens3.57%
Aanpassinge
De oetsjlaag van de Zjwamer Liedjesaovindj 2019 sjteit oppe website. Verder ouch ein nuutjsberich euver Prins Chris I van de Kwekkerte en de tössesjtandj van 't prinsepoele is ouch aangepas. Natuurlik kómme nao eder aktiviteit ouch nuuj foto's oppe website.